世界各��有趣格言 有國家敢以:「統治世界」為目標?

咁多位鍾意去旅行嘅朋友, 唔知你哋又有幾認識你哋去過旅行嘅國家呢?仲記得以前細個上常識堂,老師會教大家去辦認唔同地方嘅國旗,不過大家又知唔知道唔同國家嘅格言呢?雖然呢樣野聽落去好老土,不過唔講唔知,有啲國家嘅格言都幾搞笑,有啲就幾得人驚,想了解一個國家,不妨從格言開始。

1.奧地利

講起奧地利可能大家都會諗起風光如畫嘅景色, 不過佢哋國家嘅格言就唔似佢哋嘅風景咁怡人,事關「統治世界,係奧地利嘅命運」,好有霸氣。

wanderlusteurope@tumblr

2.英國

「上帝是我的權利」,反映咗英國人悠久嘅宗教信仰,而同時亦係英國君主制嘅像徵。

breathtakingdestinations@tumblr

3.法國

以浪漫見稱嘅法國人,“自由,平等,博愛” 係佢哋嘅格言,佢哋國旗上嘅紅白藍色,就正正對應咗格言上呢三種嘅精神,波蘭著名導演奇斯洛夫斯基就曾經以呢三個精神為題拍咗聞名於世嘅經典電影紅白藍三部曲。

lesmiserablemarius@tumblr

4.智利

武力對於好多國家來講都係唔會係明目張膽要來統治人民嘅工具,不過智利嘅國家格言就係強調「通過理性或武力」,雖然聽落去就有啲得人驚,不過講到尾仲好過唔冇啲地方表面開放暗地霸權。

goodmorningleftside@tumblr

5.印度 vs 捷克 ?

如果問印度同捷克有咩共同點,相信大家會覺得係大纜都扯唔埋,不過估佢唔到嘅係原來兩個國家嘅格言又幾似,分別係「真相帶來勝利」同「真相戰勝一切」,其實守護真相係所有國家都應該有嘅責任, 因為人民需要嘅係一個有胸襟嘅政府,以人民為上,可惜嘅係現實往往與理想相反呢。

soldiers-of-war@tumblr

fisnikjasharii@tumblr

相關文章

奢華登山 搭直升機上喜馬拉雅山上歎早餐

人到中年先精彩 55歲完成瑞士長征單車之旅

地心引力月球體驗 超越一切太空套房

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!