【中秋好去處】一文睇晒本地室內中秋活動!巨型月亮打卡+燈影藝術Show

今個星期就係中秋,不過中秋翌日假期喺星期六,變相令好多人少咗一日假。不過無損中秋節日氣氛,唔少商場都有有關中秋嘅活動,好多都係迎合小朋友口味,最啱帶埋小朋友去!大家都知啦呢排社會動盪,想出街又怕危險,留喺商場點都比較好啦!

巨型月球現身

中秋當然要賞月啦,不過有時天氣不似預期,未必年年都可以睇滿月。D2 Place就為大家炮製一個巨型月亮,放置於天台!巨型月亮會連同一個許願燈池一同出現,畀大家打卡留念,仲可以寫願望放於燈上。除咗天台有巨月,商場入面都有中秋祭典,包括創意市集、攤位遊戲等活動,大人同小朋友一樣咁開心!

D2 Place日本秋祭

地點:荔枝角D2 Place一期天台花園

日期:9月7日至15日

時間:1PM至9PM(閒日為5PM至9PM)

.

本地創意品牌市集

中秋係慶祝嘅日子,有咩開心得過食餐好嘅之後再Shopping?將軍澳新都城就會一連三日舉辦本地創意市集「SOHO Market好。月光市集」,搵咗40個本地品牌出席,其中包括小朋友用品、手作布藝、飾物、家品等,全部都好有特色。除此之外現場仲不間斷請嚟眾多本地年輕Busker現場自彈自唱!另外仲有工作坊,可以畀大人小朋友一齊製作環保袋!

SOHO Market好。月光市集

地點:將軍澳寶琳新都城中心三期L1天幕廣場

日期:9月13日至15日

時間:12NN至7PM

.

燈影藝術Show

中秋節要玩燈籠,但又怕火有危險,近年都轉用燈啦!黃埔新天地今年就炮製一個戶外燈影藝術裝置,有3D互動投影、霓虹圓月剪影拍攝區及月亮模型,總之打卡位多多。另外請特登請嚟歐洲舞蹈組合Anta Agni遠道而來,配合光影作舞蹈表演,融入藝術及舞蹈,極具特色!

光影舞動黃埔夜

地點:黃埔天地戶外位置

日期:9月13日至15日

時間:6:30PM、8PM及9:30PM(每日三場)


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!