乘客一上機驚見國王!荷蘭國王竟然兼職做機師?

歐洲唔少國家仍然存有君主制,雖然國王無正式實權,但都係代代相傳,地位顯赫,國民對國王依然係無限尊敬,平時更加難見一眼。不過近日有民眾於荷蘭坐飛機時驚見荷蘭國王開飛機!原來荷蘭國王Willem Alexander係會兼職做荷蘭皇家航空嘅機師!日前佢就係一架荷蘭阿姆斯特丹來往土耳其伊斯坦堡嘅航班KLM1613擔當機師,由於只有當值空姐及機組人員先知,全部乘客一上機見到國王都非常震驚,覺得不可思議。其實Willem Alexander並唔係貪得意先開飛機,佢本身有機師牌,不過法例規定每年要續牌必須要有至少150小時飛行時間。Willem每次出國訪問,都會自己駕駛荷蘭政府本身用開嘅專機,儲飛行時間;但近年專機型號由Fokker 70轉成波音737 ,因此Willem要重新儲鐘數,因此會間中去荷航兼職返工。嗱,荷航有航班來往香港,大家有幸坐嘅時候記得留意下,睇下有無咁好彩喇!

乘客上到機先驚見國王係機師,好驚喜!

本身有機師牌,平時出國訪問係自己揸,好有型!

平日嘅樣又點知佢係識開飛機呢?

相關文章:

今年倒數跟別人不一樣!亞洲七大跨年城市

旅行時當地人同你講:「I love Jackie Chan」作為香港人 你有咩反應?

閨密去旅行會做咩?7件必做窩心事你又做過幾多?

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!