俾男友同好兄弟去旅行的4個好處

相信有好多女仔聽到男朋友成日想同兄弟去旅行都會不悦,又可能會唔想對方去但又唔想岀聲,一方面係覺得男朋友陪兄弟唔陪自己去旅行,另一方面又擔心覺得男友同兄弟去旅行,啲兄弟會帶壞自己男朋友,不過其實俾男朋友同兄弟去旅行,絕對係有你意想不到嘅好處,就好似以下呢幾點。

1. 神服男朋友嘅兄弟群

一個女仔可唔可以獲得男朋友身邊好友嘅認同,都幾影響佢哋嘅關係可唔可以長久,而唔會下下綁實對方,願意俾空間對方,尊重佢同兄弟嘅情宜,等佢哋有機會一齊去旅行,絕對可以神服男朋友嘅兄弟群。

2. 令男友更珍惜同你相處時光

好多女仔都會因為缺乏安全感而過於干涉男友嘅社交生活,甚至定立規矩要求對方遵守,其實好多時咁樣會造成反效果,令到對方更加想長時間喺男性友人身邊以逃離女方嘅控制,如果你願意比空間對方,好似俾佢同朋友一齊去旅行,反而會令佢更珍惜同你一齊嘅時光。

3. 建立雙方信任度

願意比男朋友同兄弟去旅行,絕對係信任佢嘅表現,其實信任係維繫雙方關係嘅關鍵,所以當你願意踏出第一步,你嘅信任同時都會提醒佢要小心注意自己行為,比起你下下監管着佢來得更有效果。

4. 你的透氣時間

就算再親密嘅戀人都需要透氣嘅時間,俾機會男朋友同兄弟一齊去旅行,除咗佢之外你自己都可以好好咁抖下,享受一下久違嘅私人空間,再見面嘅時候自然會更加珍惜見到大家嘅機會。

pic: kamalugoo@tumblr