倫敦監倉主題酒吧 入場先要換囚衣?

英國人好鍾意去酒吧飲酒,對於佢哋嚟講真係咩酒吧未去過先?所以為咗新意,酒吧真係各出其謀,好似呢間位於東區Brick Lane嘅監獄酒吧Alcotraz就非常破格,所有顧客一入場就要換囚衣,然後所有服務員穿著獄警衫,「押送」顧客去吧枱。整間酒吧佈置一座監獄,有眾多囚倉,於鐵欄之內,而且顧客無得揀飲乜,等同坐監無得揀食乜一樣,每晚由獄長提供特色Cocktail。而且係顧客享用嘅過程之中,「獄警」會來回走動,並且主動去騷騷客人,例如用警棍拍打監倉、大聲呼喝等。根據老闆Sam Shearman所講,呢個構思係因為自己係監獄電視劇《Orange in the New Black》嘅Fans,所以有此啟發。開業之後,顧客眾多,而且唔少本身係高級專業人士,特登嚟感受下牢獄生活,真係不得不講大家心中都有股「被虐癮」喎;但同時亦遭受唔少社區團體責難,覺得係將監獄美化,間接令坐監呢件事變得合理平常喎。

Alcotraz成間酒吧尤如監倉,極為迫真。

服務員及酒保清一色以獄卒示人,仲會周圍去滋擾客人。

顧客一邊飲酒一邊「享受」牢獄之苦。

相關文章:

美樂園玩瞓棺材 訓足30小時可帶走港幣2300元

外語不好如何在歐洲生活?各國的請、謝謝、對不起

看了都說想結婚!日本最浪漫的八間教堂   

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!