倫敦老麥推巨無霸醬 搶手過口罩 網上賣1萬英磅

倫敦日前出現大排長龍嘅盛況,大家係咪以為係排口罩?非也,原來佢哋係排隊去老麥買巨無霸醬(Big Mac Special Sauce)。原來老麥呢款醬料係平時巨無霸嘅醬汁,由於備受推崇,所以單獨推出,估唔到引起哄動。倫敦市中心呢間老麥只有500支醬,短時間已吸引千多人排隊,結果好快就搶購一空。買唔到嘅人甚至於eBay求有心人讓愛,價錢仲高達1萬英磅!呢隻秘製醬汁自1972年開始調製,成分包括蛋黃醬、芥末、大蒜粉、辣椒粉等,差唔多50年嚟都未轉過配方。巨無霸醬唔單止英國人喜歡,世界各地都有極多Fans,之前澳洲都有老麥試過限量出售,都係被短時間瘋搶,期後網上拍賣更炒至癲價6.5萬英磅售出!唔知幾時香港都會推出呢?大家又會唔會搶呢?

於倫敦出售500支巨無霸醬汁,引起瘋搶。
1972年開始推出巨無霸,近50年來醬汁配方都係秘密。
過去就算日本都曾短暫推出過;可見其受歡迎程度。

相關文章:

愛的迫降浪漫破表住宿-瑞士嚴選經典百年飯店

打卡新熱點-東京迪士尼-美女與野獸-粉紅公主城堡4月登場

相信網絡力量-英國百年書年靠一個-post變景點


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!