假扮民宿主人呃錢 Airbnb騙案手法大增

Airbnb近年興起,唔少人去外國旅行都會開始使用Airbnb嘅民宿作為住宿,又平地點又方便,真係一個唔錯嘅選擇!不過近日英國有新聞報道,一個11人嘅英國家庭就不幸被假嘅民宿屋主欺騙,總共損失咗5千磅,成5萬港幣!呢位英國女子Charlotte諗住成家11人一齊去西班牙巴利亞利群島到玩,於是上網諗住搵民宿,見到一間擁有無敵海景別墅,環境非常優美,於是問屋主該段日期時間可唔可以住。屋主熱情回應,唔單止話無問題,仲問Charlotte使唔使去機場接佢,非常熱情;及後Charlotte就好順攤咁以銀行轉帳形式畀錢,然後屋主就一直無出現;Charlotte已經開始覺得唔妥,但都如期出發,點知去到巴利亞利之後,屋主唔單止無接機,佢哋去到地址所寫嘅地方時,根本同Airbnb中嘅相片完全唔同,而亦並非民宿,此時Charlotte先知自己真係畀人呃咗!Charlotte事後搵Airbnb希望取回失款,不過Airbnb就話因為假屋主戶口設定為私密,連Airbnb都無法干涉,最後Charlotte只能報警求助。而倫敦警方就指近年已經有成5千單類似個案出現。想唔好畀人呃,警方建議大家預訂之前,要先Search下有無人投訴該地址,再以街景模式睇下係咪如照片顯示一樣,總之要確保對方無任何蠱惑先可以過數,知嘛?

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

網上顯示,民宿非常豪華又近海,令Charlotte即刻乖乖畀錢。

巴利亞利群為西班牙自治區其中一個群島,離馬略卡約100公里。

(圖:travellingcolors@tumblr)

島上的確好多豪華別墅,難怪Charlotte會中伏。

(圖:whatluxuryls@tumblr)

相關文章:

面書將推出最新功能「城市導遊」 由用戶提供資訊

去旅行幫朋友買嘢 最憎聽到的5句說話

5大現實電影場景 你知幾多?