價錢照舊但越坐越窄 美國航空航班減少座位空間

各位美國航空嘅粉絲留意啦,美國航空最近宣佈咗會將座位空間宿細,總部達拉斯已經引入咗多新新型波音737馬克斯飛機,而呢啲飛機上有三排座位,都會將目前嘅座位空間減至29英寸,比目前嘅配置減少咗2英寸。

跟據預計,呢架飛機嘅其他部分將會有30英寸嘅腿部空間,根據當局所講,現有嘅737-800 亦有機會改裝成相同嘅配置。飛機進行咗改裝之後,飛機嘅通道就可以增加十個額外嘅座位,而新嘅737馬克斯飛機預計將會有大約170個座位。

根據SeatGuru.com嘅數據,西南航空公司嘅737s航班都有31英寸嘅腿部空間,而JetBlue嘅航班最少都有32英寸,最多就有41英寸。美國航空公司嘅代表就表示,雖然腿部空間減少咗,但客人係唔會感覺到有任何差異,因為新座位嘅設計係想盡可能提供個人生活空間,同時令客人更舒適,而座椅寬度將保持不變,為17.2英寸。另外主艙額外嘅經濟座位同頭等嘅16個座位都會保持不變。

除咗座位空間會減少,機上嘅娛樂設施都會有新嘅安排。乘客會需要利用個人電話、平板電腦或notebook連接機上wifi去觀看免費電影同電視節目,公司新訂購嘅100台新嘅737s 飛機,都會無座椅後嘅顯示器。除咗美國航空公司之外,Jetstar,West Jet同Virgin Australia嘅航班上都宣佈咗會陸續取消座位後嘅顯示器。

遲吓搭飛機就好有可能無座位後面嘅電視機睇啦。

美國航空嘅新一批波音737 客機將會有大改革。

座位空間如果對於坐長途機來講都幾重要。

all pics from Boeing

相關文章

打工留學生爆日本Airbnb內幕 聽完後:日本人

達美航空又出事 BB一家被趕落機?嬰兒搭飛機的5個溫馨提示你要知

去旅行只係玩? 4大原因話你知旅行的真正意義

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!