內地旅客手握劇毒八爪魚 為咗直播呃Like?

香港野生動物較少,不少遊客到外地旅遊,總愛親親大自然。但玩時玩,千萬唔好好似呢位內地遊客咁玩命。話說內地有位遊客去澳洲達爾文(Darwin)的海灘遊玩時,發現到一隻「好漂亮的八爪魚」,於是拎上手兼係直播平台「抖音」炫耀。點知直播一出,眼利的網民發現呢位遊客手上的深藍色圓點的泥黃色八爪魚,係「澳洲十二金剛」(澳洲12種有致命劇毒或具攻擊性生物)之一的藍環章魚,比佢咬一啖足以在數分鐘內致命。

當呢條片係網上瘋傳後,澳州網民都紛紛留言:「咬你一口幾分鐘就死,別學他,他屬於運氣好!」、「我唔會咁做,除非想死」不過幾時都話,眼看手勿動,去旅行個陣千萬唔好手多多啦。

相片來源:TikTok/Alan 阿麟

藍環章魚係澳洲12種致命動物之一。

相片來源:TikTok/Alan 阿麟

如果大家游水或潛水時發現呢類生物,應避免觸摸牠們。

相片來源:australia.com

達爾文係澳洲土著居民最集中嘅城市,還有不少東南亞移民,因而被稱為「澳洲多元文化的首府」。

更多相關文章

用電話預訂機票酒店 5成人表示電話睇唔到資料好痛苦

全球首間無人7仔 靠認樣畀錢

香港係蘋果員工最常出差第二地方 每年用12億買機票?

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!