全球首間機械人酒店 經常壞機最後一半被「炒魷」

正當AI愈嚟愈常於日常生活中使用之時,唔少地方都採用機械人去代替人類嘅工作,其中一樣就係酒店。2015年日本長崎一間名為「Henn-na Hotel」就係以全機械人作為職員,成功打入健力氏,成為第一間機械人酒店。經過3年嘅時間,日前竟然傳出酒店已經「裁減」咗一半機械人員工!原來酒店用機械人服務員,但不時出現故障,例如答錯問錯、畀錯門匙,而且每逢落雨或落雪出現問題嘅情況就更嚴重。好多時都要靠真人員工出手協助,變相仲增加咗酒店成本,亦多咗客人致電員工投訴機械人失靈,對員工嚟講仲多咗工作要做!加上原本呢堆機械嘅壽命就應該係4年,如今用咗3年又咁多問題,乾脆將有問題嘅直接「炒魷」。目前全酒店只剩一半機械人,約120部,其餘都用人手頂上。呢單消息真係有開心有唔開心,起碼人類未至於可以畀機械人完全取代吖嘛!(暫時囉!)

2015年開業時,成為全球第一間全機械人職員嘅酒店。

機械人除咗幫手Check-in之外,仲會搬行李。

目前有一半機械人退役,由人手頂上。

相關文章:

[紐約] 必去景點-圖書館

神奈川第一賞楓景點『大山』

全球19個假日消費最平地方 土耳其葡萄牙入三甲?

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!