全球首間無人7仔 靠認樣畀錢

iPhone嘅人面解鎖功能真係令人又愛又恨,因為成日都認唔到自己搞到開唔到鎖,有時真係幾嬲;不過靠人面辨識嘅技術喺日本就開始用於零售業之上。日本近日就開咗首間無人7-11 ,位於東京日本電力公司總部之內嘅7-11 ,就係首間完全無店員嘅7仔。由於呢間7仔只供電力公司職員使用,所以只要全公司6千位員工一開始已經將人面資料入晒落7仔部電腦,然後所有員工只要入內揀選物品,自行喺收銀處掃描物品之後,再畀個樣電腦認,然後系統就會知道邊位員工買咗嘢,再喺該位員工嘅人工到扣除,於是乎可以做到無人兼無付款嘅過程,可以話係全球首創。因為日本目前勞動人口可以話愈嚟愈少,好多公司都難以請到店員,於是利用呢種無人商店嘅機會大增;不過目前只限認到公司入面嘅員工,長遠要用於公眾身上的話,就要每人都有自己一個人面戶口,睇怕不久將來就可以發展到咁喇,期待!

首間無人7-11於日本電力公司開業。

世界各大科技巨頭都發展緊人臉辨識系統。

相信會愈嚟愈多呢類唔需要店員嘅商店出現。

相關文章:

菜鳥差點爬不上去:南台灣第一高山 北大武山

新世代酒店 新西蘭酒店一部電話可當門匙及遙控

印度愛滋女跳湖自殺 全鎮居民唔敢飲水!

【立即讚好】全新 Yahoo 旅遊 Facebook 專頁Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!