冰島樹木覆蓋率僅0.5% 冰島人希望重見森林?

冰島,畀人印象就係極寒嘅地帶,天氣環境對植物極為嚴苛,的確冰島嘅樹木覆蓋率只有0.5%,為全歐洲最低,要喺冰島見到野生樹木,真係難過中獎。不過原來冰島並非自古以來都係咁嚴峻,其實未有維京人入侵冰島時,當年冰島植物覆蓋率有25%;不過維京人到來之後不停砍伐森林,至目前幾乎一切冰島原始植物早已消失殆盡。近十年嚟冰島政府希望重新動植森林,近4年冰島就種咗300幾萬棵樹,佔地約1,000公頃。其中一個新森林就係首都雷克雅維克100公里之外嘅Kvistar,有90多萬棵松樹及楊樹。不過好諷刺嘅係,受到全球溫室效應影響,冰島嘅樹木反而生長得更好更快,可以話係溫室效應中唯一受惠嘅地方呢。另外一個爭議點係冰島引入阿拉斯加魯冰花,係可以為土壤提供營養,令土地更肥沃;不過呢啲外來物種同時會破壞本地原有植物系統,所以都有相當嘅爭議呢。

冰島嘅植物覆蓋率只有0.5%,為全歐洲最低。

近4年冰島就種咗300幾萬棵樹,佔地約1,000公頃。

阿拉斯加魯冰花,係可以為土壤提供營養。


相關文章:

富士山或興建登山鐵路-組織抗議擔心破壞聖山

快閃day-trip-10分鐘到西班牙-過海渡輪教學攻略

香港睇唔到-5個台灣最美星空地圖



【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!