【出街搵食】沙田酒店新裝餐廳 巨型雪糕甜品杯!和牛、羊架+任食海鮮半自助餐

新假期 - 飲食

沙田這間酒店最近完成翻新,餐廳搖身一變成甜品屋,全日供應20多款西、日式甜品,最吸引的一定是巨型甜品杯,杯內有馬卡龍、芝士蛋糕、雪糕等10款甜點,份量多到可4-6人Share,最啱聚會去!餐廳更有任食龍蝦、蟹腳的半自助晚餐,主菜可選即煎和牛、羊架等,每位慳$200,即睇地址詳情!

記者:Joan 攝影:Woody

延伸閱讀:

【日本藥妝】Dior食油膩嘢都唔甩色!日本雜誌測試最強15支新色唇膏排名

佐敦酒店$78鐵板牛扒 自選肉眼/西冷/牛柳逐Gram計|佐敦日本菜

沙田帝都酒店新裝餐廳 多款甜品+任食海鮮半自助餐

酒店餐廳翻新後,裝修富英式茶室風格,牆邊飾以鮮豔粉色花簇、茶罐等,配以柔和的燈光,最啱打卡影相!一邊又有落地玻璃讓陽光滲進室內,更添閒適。

食物方面,一進門便看見放滿各款甜品的大型雪櫃,非常吸引!餐廳全日供應多款甜點,主要以西、日式為主,包括金莎朱古力梳乎厘班戟、當造水果蛋糕、布甸燒、泡芙和各款酥餅、撻類等甜點,同場也有下午茶層架,想吃鹹點的都不乏選擇,閨蜜聚會必去!

店內裝修風格大改變,新設計富英式茶室格調,落地玻璃窗感覺開揚闊落,座位換上梳化椅,可坐得舒適。
一邊飾以粉色花簇和茶罐,清新優雅,影相好靚!
甜品選擇超豐富,賣相也精緻,記者完全拿不定主意!最好約多幾個閨蜜,叫幾款Share食。

4人份量!巨型甜品杯:10款甜點+雪糕+水果

不過最吸引的一定是至尊甜品杯,甜品杯可選二人或四人份量,King Size甜品杯一上枱已令人興奮!底層是雲呢嗱奶凍和士多啤梨慕絲,內裡有10款甜點和水果,包括Häagen-Dazs雪糕、馬卡龍、芝士蛋糕、百力滋、士多啤梨、藍莓和鮮忌廉等,上層鋪了一層雪白的棉花糖,用料澎湃豐富,影相後要快點食啊!甜品杯每日限量供應,想食記住訂位!

至尊甜品杯 – $468 (四位用)
底層是雲呢嗱奶凍和士多啤梨慕絲,面頭再鋪上十款甜點和棉花糖!另有細少少、兩位用的甜品杯($168 )
十款甜品有Häagen-Dazs雪糕、馬卡龍、芝士蛋糕、百力滋、士多啤梨、藍莓和鮮忌廉,份量澎湃,食得晒先好叫!

其他甜品推介

抹茶紅豆泡芙 $68
泡芙上枱時以玻璃蓋罩着,預先以烏龍茶及蘋果木燻香,一打開便會飄煙,非常夢幻!一大一小的泡芙以忌廉相間,餡料有抹茶慕絲和紅豆粒,甘香微甜。
荔枝菠蘿蛋糕 $68
外型似粒巨型荔枝,外層是為白朱古力及香脆的杏仁粒,內層包着荔枝慕絲和用新鮮菠蘿肉煮成的菠蘿醬,酸甜清新。蛋糕旁布滿紅紅綠綠的楓葉形糖片,像真度高!
香橙榛子朱古力磚 $68
兩層朱古力蛋糕,夾著以用74度黑朱古力製成的香橙軟心朱古力,面層擠了榛子慕絲和糖漬橙片,愛甜的必吃!
黑芝麻豆腐慕絲蛋糕 $68
蛋糕外層是黑白雲石紋,其實是幼滑的豆腐慕絲!包着黑芝麻海綿蛋糕,輕盈鬆軟。
草莓乳酪蛋糕 $68
草莓慕絲包著酸甜的乳酪慕絲,配以紅莓脆片、開心果、新鮮士多啤梨,清新開胃。
紫薯糯米糍伴雲呢拿雪糕 $68
口感煙韌軟腍的的糯米糍灑上日本紫薯粉,伴以雲呢拿雪糕,另可自行配搭新鮮芒果、士多啤梨粒和朱古力醬享用。

期間限定:美妝品牌聯乘下午茶

餐廳亦不時與美妝品牌合作,聯乘推出期間限定的Tea Set,近來與Aveda合作推出夏之「麥」語下午茶,有一系列以Superfood和藜麥入饌的鹹、甜點,每位更會送原價$400的速效修復受損秀髮體驗乙次和damage remedy™體驗套裝乙份。

one+one café & bar x Aveda 夏之「麥」語下午茶 $388 / 兩位用
Tea Set有一系列以Superfood和藜麥為主題的鹹甜點,鹹點有藜麥豆腐漢堡、煎紅菜頭蓮藕餅和北京烤鴨蕎麥煎餅等;甜點則有薑味乳酪條、士多啤梨藜麥蛋白脆等,飲品可配上有機甘草茶飲,清新順喉。
食完更可免費得到damage remedy™體驗套裝乙份。

夏之「麥」語下午茶
推出日期:即日至10月31日
供應時間: 星期一至日3:15pm – 15:15pm
價錢:$388/兩位用 (包括兩杯特飲)

$118半自助午餐 任食沙律+甜品

除了精緻甜品,餐廳還供應半自助午餐和晚餐,半自助午餐價錢$118起,主菜可自選,有安格斯牛柳伴龍蝦尾、肉眼扒、羊扒、炸魚薯條和素菜千層麵等,並可任食沙律吧和甜品,款式也不少!

半自助午餐$118/起
自選主菜-美國安格斯牛柳拼龍蝦尾伴薯菜配燒汁 $268起
自選主菜-美國肉眼扒伴薯菜配燒汁 $188起
自選主菜-芝士牛肉漢堡配薯條 $168起
自選主菜-肉醬長通粉 $138起
沙律吧有雜錦凍肉、冷麵和沙律等任食。
還有中式和西式湯品各一款。
自助區還有數款蛋糕、啫喱和水果可任食。

悠閒半自助午餐
供應時間:星期一至六 12nn – 2:30pm
價錢:$118起/位,視乎自選主菜而定
備註:另收加一服務費

每位慳$200!任食海鮮半自助晚餐

晚餐也是半自助,主菜可自選,肉食獸可選澳洲M5和牛或煎羊架,愛海鮮的則可選滑嫩的鱈魚柳。自助區有海鮮、冷盤小食和甜品可任吃,海鮮有波士頓龍蝦、鱈場蟹腳、凍大蝦和紐西蘭青口,味道新鮮,海鮮控一定滿意!近期更有推廣價,$438/位則可享用半自助晚餐,每位慳了$200,好抵食!

半自助晚餐選擇較豐富,而且食材較矜貴,有澳洲和牛、羊架和波士頓龍蝦等。
自助區最吸引的是可任食4款海鮮。
波士頓龍蝦幾大隻,肉質彈牙鮮甜,龍蝦膏夠甘香,必吃!
鱈場蟹腳也夠粗身。
蟹肉整齊帶梳,肉質味道帶鹹鮮,非常滿足。
冷盤有巴馬火腿配蜜瓜、煙三文魚、雜錦凍肉、沙律和熱湯等任拿。
自選主菜-煎澳洲M5和牛
自選主菜-香煎羊架
自選主菜-香煎鱈魚柳
大胃王可在主菜內額外加$40加配龍蝦尾
每位送意大利氣酒一杯。
甜品有蛋糕、酥餅、布甸和水果可任吃。
更有4款Häagen Dazs雪糕可任吃,非常豐富。

龍蝦海鮮半自助晚餐

供應時間:星期五至六 6:30pm – 9:30pm
原價:$638
推廣價:$438起/位(優惠只限每日首20位顧客,推廣期由即日至9月30日)
備註:
1)優惠價目已包括加一服務費
2)每位奉送意大利氣酒一杯

one+one café & bar

地址︰沙田白鶴汀街8號帝都酒店1樓(顯示地圖
電話:2694 3869
營業時間:星期一至四:12nn – 12am、星期五至六:12nn – 1am、星期日及公眾假期:11:30am – 12am

備註:讚好帝都酒店Fb ,即可於每日3pm–5pm單點甜品享用85折優惠,優惠期由即日至2018年12月23日。

KFC最新優惠券!早餐最平$12.5 截圖就用得!

【邊間最好食】Top 7 煙三文魚法式薄餅!銅鑼灣過江龍煙韌鹹香 旺角芝味爆燈

延伸閱讀:

【中環好去處】大館半日遊!9月「監獄」新展 +8個熱門打卡位!睇完必食台菜「吃什麼」