【聖誕旅遊】北海道札幌大型雪祭!半日速學滑雪Tour+食買玩推介

聖誕出發,盡情玩盡札幌!

要數到日本冬天,北海道當然係最想睇雪嘅旅客必去地方!好多香港人近年都鍾意自駕遊,往往一落機場就租車,然後就直駛至其他偏遠地方;反而好多人忽略咗北海道心臟札幌!其實作為日本北部第一大城,兩日一夜行程真係未必夠玩,為大家綜合呢個濃縮玩法,可以盡情玩盡札幌!

Day 1:

中午:日本最大雪祭

坐內陸機或香港直飛至新千歲國際機場之後,放低行李就可以去到全札幌最熱鬧、全日本最大型嘅雪祭!今年正好喺70周年,由11月開始至明年3月都有一連串活動,而於今年11月22日開始就有「白色燈節」,於大通公園及札幌站周邊都有極多聖誕燈飾及巨型聖誕樹!另外大通公園內亦有歐洲或嘅「慕尼黑聖誕市集」,有嘢食有嘢買,一次過感受晒日本及歐洲嘅聖誕節日氣氛!

全日本最大雪祭就係札幌雪祭,活動持續4個月!

去年的大通公園,一樣好有聖誕氣氛!

來源:yumiko2.10@IG

大通公園四周都係聖誕裝飾,勁有節日氣氛。

地方大到好易迷路,不過處處都靚到可以打卡呢。

白色燈節+歐洲聖誕市集

地點:札幌大通公園及札幌站前步行街一帶

景點資料:按這裡

夜晚:當地人都去美食橫丁

玩完一大輪,係時候醫肚餓!喺正大通呢度就有北海道一個非常古老嘅橫丁美食街「暖簾橫丁」(又稱為「拉麵橫丁」);位於二條市場,被稱為「札幌居民廚房」,當中有無數特色美食,包括新鮮由釧路運到嘅海鮮魚生、通宵營業嘅拉麵店等等。唔單止可以醫肚,呢個市集仲有大量美食手信可以掃貨,如果只有兩日於札幌,一於喺呢度食完飯就買齊手信,之後旅程就安心玩樂唔使再四周搜尋手信。

去北海道,一定記得要去古老嘅橫丁美食街醫肚!

來源:qun_04@IG

新鮮由釧路運到嘅海鮮魚生!

又有大量通宵營業拉麵店。

可以於呢度一次過買晒手信。

暖簾橫丁

地點:二條市場,地鐵「大通站」

景點資料:按這裡 

住宿:市中心新酒店 可浸溫泉浴池!

薄野係札幌中心區域,非常繁華熱鬧;咁高級地段好難有新酒店,今年6月新開嘅呢間Vessel Hotel Campana就可以話必揀之選。旺中帶靜,入面採用高級和風設計,客房有塌塌米,加上水墨畫藝術品,極為高檔。另外酒店內設有溫泉浴池,消除一整日嘅勞累,必揀!

札幌市最繁華地段薄野嘅最新酒店!

酒店用上高級和風,非常舒適。

有大浴場可以浸浴,正!

Vessel Hotel Campana

預訂:按這裡

Day 2

上午:半日速成滑雪班

去到北海道,玩雪之外當然想試下滑雪,不過對於香港人,始於唔常接觸,未必有相關知識,享受唔到滑雪樂趣。好彩札幌當地已經有滑雪場「藤野Fu’s雪場」,有相關半日嘅滑雪訓練。一節4小時,由教練教大家基本滑雪技巧,對於新手或者只滑過幾次嘅朋友都十分有用;而且仲有中文教練,唔怕雞同鴨講。而香港kkday做緊早鳥優惠,如果揀早上8點課堂只係$833 ,其餘時段大家自行至下面觀看。

札幌當地已經有滑雪場「藤野Fu’s雪場」。

半日班有4個鐘時間,大人細路都適用。

教練用中文,唔怕雞同鴨講。

 

藤野Fu’s雪場半日滑雪班

預訂:按這裡


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊