南韓仁川貨倉變身巨型壁畫 創世界紀錄

講起南韓仁川,大家可能都會諗起國際機場,其實呢個位於首爾西面嘅城市係韓國其中一個最大嘅港口城市,發展歷史比首爾仲要耐;仁川之中除咗大量嘅貨櫃碼頭之外,仲有唔少以前發展時留低嘅古老建築,例如大型貨倉。仁川政府就邊請咗22位藝術家用咗85萬公升嘅顏料,喺呢啲貨倉外作為畫布,畫上16本巨型圖書封面,令一個個榖倉成為巨大書本,成功列入世界紀錄最大型戶外壁畫,總面積達到23,688平方公尺!16本圖畫壁畫仲有晒主題,係講述一個男孩子嘅成長。今次計劃總共用咗5億幾韓圜,不過就成功改善仁川城殘舊嘅形象,市政府話希望可以將呢度變成新景點,等大家可以接觸到仁川最具歷史嘅一面之餘,又有新事物可以接觸,值得參考!

將舊貨倉變身成巨大圖書,好震撼!

每日都有唔少貨船經過仁川港口。

從空中望落都睇到,大家坐飛機時都有機會睇到。

相關文章:

新世代酒店 新西蘭酒店一部電話可當門匙及遙控

印度愛滋女跳湖自殺 全鎮居民唔敢飲水!

塞爾維亞雀仔雕塑太似生殖器 居民促快拆

【立即讚好】全新 Yahoo 旅遊 Facebook 專頁Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!