去完旅行變得面阻阻? 一班朋友旅行的嗌交危機

去旅行嘅話,總係一大班同學朋友一齊去先夠熱鬧同開心嘅。不過平時相處得好地地好似無乜問題嘅朋友,但唔知點解去旅行時就總係遇到唔同嘅問題而鬧交,搞到大家無癮又唔開心。你又有無試過呢啲原因而吵大獲搞到大家面阻阻甚至朋友都無得做?

行程風格

講到旅行一開始大家總係好高興,講想去邊做啲乜野。不過人多起上黎要訂立行程都唔易,好似係去咩景點定隨心行、買野定深度遊、豪華定窮遊⋯⋯淨係傾呢啲都已經拗一餐。

分工唔均

單係出發前已經要有唔少準備,除咗行程之外,就係買機票訂酒店交通等等。如果將呢啲責任都擺哂係同一、兩個朋友身上,其他人就坐享其成,令有做野嘅人心入面唔多唔少都介意。

公數清晰

人多去旅行,最好就係一人先拎一舊錢出黎做公數一齊用,唔使次次要除番開時麻煩。但負責公數嘅最重要數口清晰而且手腳乾淨,每次用完錢都記低番,仲要分清私人買野要佢自己俾番。

自拍狂人

去旅行鐘意影相其實唔係問題,但見到任可以都要影一餐瘋狂自拍,或者要朋友幫你試十幾個角度同pose,搞到其他朋友要等埋你時,其實都幾掃興。

相片來源:Thebohoparade@tumblr