去旅行五大行為證明係真。好友?

成日都話去旅行係重新認識一個人嘅最佳時機,有時好熟好夾嘅朋友,去完旅行先發覺原來自己同對方可能並唔係真係想像中咁夾 ,不過當然亦都有可能因為一齊去咗旅行,令你哋嘅友情更加升溫,總括來講,如果你同朋友去旅行發覺佢有做到下面呢四件事,呢個朋友你無論如何都絕對唔可以放手啊,因為佢絕對值得你同佢做一世嘅朋友。

1. 願意比你沖涼先

去旅行由朝玩到晚,返到酒店大家都一定好想第一時間沖涼,如果你朋友願意俾你沖涼先, 證明佢願意犧牲自己都諗咗你先。

2. 原諒你重色輕友

成日都話有異性無人性,其實都係人之常情,如果你去旅行遇到一個有興趣嘅對象,朋友寧願自己一個玩都鼓勵你去發展,可見係真心為你着想。

3. 願意幫你保守秘密

去旅行唔多唔少點都有啲蝦碌搞笑野發生,如果你嘅朋友願意幫你保守秘密,包括旅行所有出醜時或唔見得光嘅事,就記得要好好珍惜佢啦。

4. 幫你Plan曬行程

有事忙起上嚟可能真係冇乜時間計劃行程,如果你嘅朋友願意無條件幫你計劃行程,同時會尊重你想去嘅地方,你真係要好好攬實佢啦。

pic: thebohoparade@tumblr