又係人類惹的禍 放生獅子魚 導致生態大災難

人類總是要犯下重覆的錯誤。因為人類嘅行為導致動物物種失衡,影嚮生態嘅事例屢有發生,最新嘅報道指美國佛羅里達州就出現獅子魚大災難!話說由於多年前懷疑有水族館職員覺得館內太多獅子魚,於是向海水放生獅子魚,結果幾年之後呢種原本係深海魚竟然因為繁殖太快太多,湧向淺水處;加上魚如其名,都等如水中嘅獅子一樣咁霸道,仲食埋其他魚種,食完其他魚之後,竟然要同類相食先夠飽!獅子魚本身係一種極具攻擊性嘅魚,周身長滿毒刺,基本上喺海中連鯊魚都唔敢掂佢哋,可以話係完全無天敵;而且每日可以產下3萬粒魚子,極速繁殖。佛州目前急急諗方法對付,例如係鼓勵人潛水去殺魚,再因數量而畀錢。咁的確需要擔心,因為大西洋嘅魚類,近幾年已經少咗65%,如此下去,好快好多魚種都會滅絕!人類自種下嘅禍根,又要魚去承受,何必呢!

獅天魚有超長有毒長刺,係海中並無天敵。

(glitterydinosaurenemy@tumblr)

獅子魚由於數量太多,導致同類相食。

(Freshcrayonsart@tumblr)

大西洋嘅魚類,近幾年已經少咗65%。

(groundcovers@tumblr)

相關文章:

旅行引爆分手 出發前你要知清楚呢三大禁忌

波音 747機師帶你見識最佳辦公景觀 !

夢幻婚禮場地 世上最美的教堂

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!