又有動物絕種 最後一隻夏威夷蝸牛老死

人類係全球動物嘅天敵,無容置疑,近日又因為人為嘅「錯誤」,導致一個物種絕種。日前全世界最後一隻夏威夷樹蝸牛「金頂蝸牛」(Achatinella Apexfulva)正式離世,終年14歲,正式宣告該物種正式絕種!點解一開始話人類嘅「錯誤」呢?原來夏威夷蝸牛遠在幾十年前一直健康生存,及至1955年時當地人發現有人帶咗非洲蝸牛過去並且開始於當地繁殖,於是有人引入咗北美嘅玫瑰蝸牛,呢種係會捕食其他蝸牛嘅物種,希望可以將非洲蝸牛全部趕盡殺絕;但估唔到玫瑰蝸牛去到該地後,竟然鍾意捕食原生嘅夏威夷蝸牛。夏威夷蝸牛因此大量消失,至到1997年時,當局派人將僅餘嘅十數隻金頂蝸牛帶入實驗室全力養殖,希望可以繁殖到下一代。可惜多年嚟一直未能成功,近十年嚟,只有呢隻被稱為「Lonely George」嘅倖存。縱使蝸牛係䧳雄同體,但始終都需要多一隻同類先可以繁殖,只能眼白白睇住Lonely George離世。科學家已經將佢啲DNA冷藏,希望有朝一日可以復製出Lonely George。

夏威夷金頂樹蝸牛,正式消失於世上。

Lonely George自1997年開始由實驗室養殖。

夏威夷原生嘅蝸牛已經愈嚟愈少。

相關文章:

請兩日放九日 五個農曆新年最佳旅遊目的地

斯里蘭卡︱丹布勒石窟寺:隱藏在小鎮中的世界文化遺產

蝗禍!聖城麥加無端遭受蝗蟲入侵

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!