召喚雪糕控!獨角獸軟雪糕、髒髒雪糕、終極特濃版D24榴槤麥旋風及雪糕buffet大搜查

Cosmopolitan.com.hk

夏日消暑美食必定離不開雪糕!早前hit起的麥當勞榴槤麥旋風強勢回歸,推出終極特濃版D24榴槤麥旋風;另有小店和酒店推出相機食先的雪糕新選擇,連Häagen-Dazs也順勢推出新口味,今個夏天勢要喚醒你的第二個胃!

Cosmopolitan.com.hk

夢幻獨角獸雪糕  俘虜少女心!

Scaredy Cat Ice Cream & Coffee Shop推出夢幻獨角獸雪糕,天藍色的海鹽藍雲呢拿味配上彩色朱古力toppings,插上可愛的耳朵、翅膀和獨角,即刻變身IG打卡之選!

杯裝獨角獸雪糕:HK$48
珍寶筒獨角獸雪糕:HK$45

地址:元朗又新街27-29號建威大廈地下8A舖

Cosmopolitan.com.hk

髒髒包、黑糖珍珠奶茶變奏版

早前熱爆台韓的髒髒包,經Scaredy Cat改良後變成夏日限定髒髒雪糕,珍寶筒味道包括紫薯髒髒、朱古力髒髒、抹茶髒髒。另外更有黑糖醬加上黑糖珍珠而成的黑糖珍珠髒髒,驟眼看就是黑糖珍珠奶茶的變奏版,供應期至8月31日咋!

黑糖珍珠髒髒:HK$32 (普通版);HK$38 (升級杯)
髒髒珍寶筒(紫薯、朱古力、抹茶味):HK$30

 

Cosmopolitan.com.hk

Scaredy Cat的雪糕一向吸晴,之前的美少女雪糕及美人魚雪糕是店舖皇牌,今個夏天一定要約埋好姊妹去打卡。

Cosmopolitan.com.hk

終極特濃版榴槤麥旋風隆重登場!

早前一度賣斷市的麥當勞榴槤麥旋風於7月23日再度登陸,今次更推出終 極特濃版D24榴槤麥旋風,榴槤蓉分量比D24榴槤麥旋風多兩倍,馬來西亞直送榴槤果蓉,口感豐富,榴槤控一定要試!

極特濃版D24榴槤麥旋風 HK$55
濃厚版D24榴槤麥旋風 HK$40
D24榴槤麥旋風 HK$25

 

Cosmopolitan.com.hk

Häagen-Dazs 夏日新口味!

Häagen-Dazs粉絲一定留意到新推出的白桃紅桑子雪糕和黃桃乳酪雪糕。前者採用當季盛產的水漾白桃及紅桑子,加上如絲般幼滑的雪糕,將兩種水果的清爽滋味完美融合。而鍾意酸酸甜甜的你,必試黃桃乳酪雪糕,將希臘地中海黃桃結合法國優質牛奶及鮮忌廉,打造成清新的乳酪雪糕,口感幼滑,酸甜之間恰到好處!

黃桃乳酪雪糕:HK$29.9 (迷你杯); HK$75.9( 家庭裝)
白桃紅桑子雪糕:HK$29.9 (迷你杯); HK$75.9( 家庭裝)

Cosmopolitan.com.hk

十五款自家製雪糕Buffet任食

以上口味仲未滿足到身為「雪糕控」的你?咁要mark實尖沙咀凱悅酒店的buffet!酒店推出共十五款自家製雪糕甜品,於咖啡廳自助晚餐時段輪流供應!最反傳統口味非啤酒雪糕莫屬,雪糕成份有三份之一為啤酒的甜品,吃一口彷如呷了一啖冰凍至極的啤酒!黑色夏威夷雪糕絕對吸引男生眼球;私心推介仲有羊奶芝士無花果雪糕、花生醬雪糕三文治、綠茶焙茶雪糕杯配紅豆布甸,當然唔少得綿花糖雪糕杯配啫喱及綿花軟糖、海鹽焦糖香蕉雪糕杯配朱古力炸包、完全俘虜少女心!

星期一至四:成人 HK$628;小童 HK$314
星期五至日、公眾假期及前夕:成人 $688 小童 $344
地址:尖沙咀凱悅酒店大堂樓層


前往瀏覽完整內容:

召喚雪糕控!獨角獸軟雪糕、髒髒雪糕、終極特濃版D24榴槤麥旋風及雪糕buffet大搜查