台妹於澳洲工作假期被人跟縱入屋性侵

時下年輕人好喜歡到異國工作假期,寓工作於旅遊,又可以賺錢兼出國感受生活。但好多時對於當地治安太過放心,有時未必係好事。日前有一單可怕新聞,一位台灣女生,於澳洲昆士蘭嘅加頓(Gatton)工作假期。於農場返工嘅佢,住得比較偏遠,當日放工後返回住宅時,發現被人尾隨,及後仲畀一位26歲嘅澳洲男子尾隨入屋,性侵而且搶走佢身上嘅現金及電話,臨離開前仲要講「以後記得鎖好門。」呢位被害少女及後即時報警,警方亦好快拘捕到呢位男子,並以入屋行劫及性侵罰予以起訴。其實一直以嚟女仔去澳洲工作假期都係好危險嘅事,大量新聞都有講唔少過來人都話打工地方環境惡劣,同時有無良僱主不時提出性要求以換取延長簽證。2016年時有一位香港少女更墮入陷阱,險被強姦,大家如果想去澳洲工作假期,要做好資料搜集呢。

被捕男子目前獲准保釋候查。

被害人於加頓附近嘅農莊返工。

唔少澳洲工作假期嘅環境惡劣,大家要小心。

相關文章:

柏林 德國前世今生的縮影

世界最小島國第三小國:諾魯(nauru)

英國夫妻辭職賣屋 環遊世界代替返學學習

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!