同男友去旅行增加情趣 性感泳衣、鴛鴦浴幫到你

去旅行嘅話你會鍾意同咩人去?係家人、同學抑或一大班朋友?雖然同家人朋友去夠熱鬧同開心,不過如果同男女朋友去嘅話就夠哂浪漫,仲多咗另一種嘅興奮添,女仔亦可以趁住去旅行呢段時間,用下面嘅招數令大家感情升溫、增加親密距離。

裸睡

裸睡其實係一種好自然同舒暢嘅睡眠方式,毫無束縛。透過裸睡,亦可以同另一半增加肌膚嘅接觸,拉近彼此距離。

唔著內衣褲

出去旅行,就唔使好似係香港咁多制肘,而且係外國其實唔著內衣或內褲平常得多,唔會被人用奇怪眼光望住,仲可以勾起男友嘅欲望。

性感泳衣

不論係泳池抑或係去海灘,一套又靚、剪裁好、又性感嘅泳衣絕對唔少得,除咗能夠突出自己嘅身段外,亦能夠吸引到男友以及其他人嘅目光都好令人滿足。

一齊沖涼

情侶二人相處得耐唔怕尷尬或者夠大膽嘅話,一齊沖涼可以話係最親密亦都係最刺激嘅行程,不過就要小心太激動而整親受傷。


相片來源:paranoyatanricasi @tumblr