同一航線由經濟艙到商務艙 揭upgrade後的大分別

每次搭飛機唔知大家經過商務客艙嘅時候,會唔會幻想如果同一程機你係搭商務客艙嘅話,究竟會有幾唔同呢?最近就有個外國blogger Colin Thorne分享佢先後兩次由倫敦飛往悉尼嘅飛行經歷,兩次佢都係選擇左澳洲航空嘅A380航班,不過唔同嘅就係第一次係坐經濟艙而第二次就係坐商務艙。

Colin就表示由經濟艙到商務艙,整個行程嘅舒適度可以話係大大提升,首先就係任何身高超過六尺嘅人搭經濟艙都一定會覺得四肢冇辦法伸展,但係搭商務艙嘅話,唔單止有私人嘅空間,而且座位仲有一個八個方向可以移動嘅控制器,可以滿足你喺行程上唔同嘅需要。

至於喺娛樂設施方面,告別經濟艙小得可憐嘅屏幕,商務艙嘅10英寸屏幕令你係飛行途中可以好好享受娛樂設施。加上座位有內置嘅按摩設置同腰部控制器,享受娛樂設施嘅同時都可以令你放鬆身體。

至於係食物方面,告別經濟艙嘅翻熱食物,商務艙嘅菜單係由悉尼著名嘅Rockpool酒吧燒烤餐廳主理,紅燒鯛魚同紅燒羊肉配上一杯2012 嘅Forest Hill Chardonnay,相信令你忘記自己係置身於高空之中。

休息方面,商務艙配有床墊罩同柔軟嘅毯,仲提供免費睡衣、旅行襪、牙刷、牙膏、耳塞同眼罩等各種洗浴用品嘅便利套裝,確保客人可以喺機上有充足嘅休息,迎接落機之後嘅旅程。

商務艙嘅乘客喺機上仲可以享用小型嘅休息室。

商務艙嘅座位設有八個方向嘅移動。

唔講真係好難令人相信呢個係飛機上食嘅飛機餐。

all pics from Colin Thorne

相關文章

2019年起日本徵收旅客稅 每次出境收1000 円

箱根高科技酒店 現自動導航拖鞋

5個旅遊小貼士 助你慳錢又方便

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!