唔小心阻到「無阻礙通道」 英國每年罰款高達1,700萬

成日四出外國自駕遊嘅朋友,相信好多都係有經驗嘅駕車人士,當然對於車輛控制係無太大問題,但最大問題就係因為人生路不熟,好容易觸犯一啲當哋人先知嘅交通條例!英國汽車保險網站就公佈咗幾個數據,於去年度單單於英國,無殘疾人士許可證泊殘病車位嘅車輛多達近10萬部,總罰款高達430萬磅(約4,300萬港幣)。不過呢條例對於香港人嚟講唔易中伏,因為香港都有類似條例嘛,但原來喺英國及美國,如果泊車唔小心阻到殘疾人士使用嘅無阻礙通道,一樣要受罰,仲要係重罰。去年英國就罰咗近2萬位車主,總共約1,700萬港幣。喺美國仲嚴重,干犯呢條例的話,除咗最高600美金(約4,800港幣),喺某啲州份更加會吊銷車牌半年!

去年無殘疾人士許可證泊殘病車位嘅車輛多達近10萬部。

呢條例對於香港人嚟講唔易中伏,因為香港都有類似條例。

唔小心阻到殘疾人士使用嘅無阻礙通道原來係會重罰。

相關文章:

世界最小島國第三小國:諾魯(nauru)

英國夫妻辭職賣屋 環遊世界代替返學學習

失落的鐵幕—歐洲最後獨裁國,白俄羅斯(下)

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!