單腳殘疾女子被禁止進入巴黎鐵塔 怕「阻礙行人」

世界各地都標榜要踢走歧視,建造一個共融嘅世界;但估唔到喺國際大城市之一嘅巴黎,近日就發生有殘疾人士被禁止進入景點嘅事!一位來自澳洲嘅女遊客Roya Hosini,佢係得一條腳嘅殘疾人士,同時為單腳舞台表演者之一。佢平時住喺比利時,日前去巴黎參觀,但買咗巴黎鐵塔嘅入場門票準備入場之時,由於無裝義肢,竟然畀保安攔截,表示佢唔適宜上巴黎鐵塔,主要原因係怕通道太窄,佢會阻礙到其他遊人來往,亦同時怕佢造成危險。但原來Roya表示已經唔係第一次喺巴黎遭到歧視,之前就試過被拒進入巴黎地下墓穴,原因同樣係話佢行動不便,怕佢會唔小心破壞入面「大量法國公民嘅遺骨」。Roya非常憤怒,更話巴黎令佢覺得自己尤如排泄物一樣被人嫌棄,甚至有保安人員指畀佢入場就如「讓盲人開飛機」。事後佢有打過電話去當局投訴,但竟然被Cut線!及後巴黎墓穴當局發言人指事件不能接受,仲話會嚴查唔容許相同情況再次出現喎。

Roya Hosini係一位單腳嘅藝術表現人士。

巴黎鐵塔拒絕Roya上塔,話佢會阻礙其他遊人。

地下墓穴有大量法國公民遺骨,當局禁止Roya入去怕佢誤碰佢哋。

相關文章:

【習慣發現・日常】電車變革

美如仙境的捷克舒馬瓦國家公園(Národní park Šumava)

最強法務部!日本MariCar街頭小型賽就快冇得玩?

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!