坐郵輪一打開房門 發現一男一女員工在床上活動?

坐郵輪係好多有錢人嘅旅行模式,可以安坐郵輪嘅豪華客房就能各國穿梭不同城市。所以唔少人都會一擲千金,豪玩郵輪,不過日前有一對愛爾蘭夫婦就用咗近5千英鎊(約5萬港元),訂咗一個由新加坡去泰國嘅5天郵輪之旅。兩夫婦滿心期待登船之後,即時走入自己訂嘅客房,但估唔到一入房,居然見到一男一女全裸喺床上,男上女下正喺度做「床上運動」。兩夫婦又驚又嬲,即刻關埋門再通知船上職員。估唔到過一陣再返房,個男人仍然喺房,夫婦再質問佢係咩人,先知佢都係船上職員之一。事後郵輪公司只肯賠償100英鎊嘅船上現金劵。二人當然不滿啦,再電郵畀郵輪公司投訴,最後都只係得200英鎊郵輪禮劵,仲要係今年內要使用。不過郵輪公司就出聲明話絕無此事,仲話用CCTV都睇唔到有咁嘅事,真係羅生門!

呢對愛爾蘭夫婦一心諗住喺郵輪度過一個開心假期。

點知房入面居然有兩個陌生人翻雲覆雨!

涉事嘅郵輸只肯賠200英鎊旅遊禮劵。

相關文章:

全球19個假日消費最平地方 土耳其葡萄牙入三甲?

車廂內最討厭行為No.1!日本人最憎被背囊撞

香港係蘋果員工最常出差第二地方 每年用12億買機票?

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!