夜鬼有救星! 日本推凌晨「救濟巴士」車費只係¥800?

喺大城市生活,夜晚從來都係比日頭更加多姿多彩,好似係香港過咗12點條街都好容易搵到未返屋企嘅夜鬼。不過香港嘅好處就係因為地方夠細,就算幾夜返屋企都好,都會容易搵到交通工具,最多咪搭的士。不過,係日本嘅話,成日就有好多因為應酬或者同朋友聚會飲酒飲到好嘢嘅居民,而日本地大物博,好多時呢啲飲醉或者好夜返屋企嘅人就唔小心係返屋企嘅途中瞓過龍,結果坐咗去郊外嘅地方,又或者因為錯過尾班車而索性喺車站訓翻晚。

針對呢一個情況,日本最近就有一個綜藝節目《家、ついて行ってイイですか?》記錄呢啲返唔切屋企嘅人嘅生活,並提出以支付的士錢作為交換希望可以去到佢哋嘅屋企進行拍攝,並從而記錄一啲溫情嘅小故事。

節目固然引起幾大嘅迴響,同時亦都令到大家意識到夜歸問題嘅嚴重性,所以有見及此,西日本東京巴士公司就決定推出一項期間限定嘅救濟巴士服務,係接下落嚟嘅三個星期五晚上(12/8、12/15、12/22)係凌晨1:05由尾站發車沿路將有需要嘅市民車返去東京八王子站。救濟巴士嘅收費一次係800日元,對於冇辦法負擔的士錢嘅小市民來講絕對係一個好消息。呢一個意念其實係嚟自巴士公司一個員工,佢喺過去嘅四年已經曾經用過類似嘅方式幫助過75個市民,真係人間有情。

from西日本東京巴士

呢個救濟巴士服務夠晒貼心。

from You Tube

綜藝節目《家、ついて行ってイイですか?》係日本引起好大嘅迴響。

from Lolwot

飲醉酒返屋企本身就夠晒危險。

相關文章

「共享單車」變廢鐵,中國式熱潮泡沫

機師不會告訴你的秘密 delay 可以照常到達目的地嘅方法?

愛爾蘭尋找下一位「巧言石」守護者,每年要抱40萬旅行者親石頭許願

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!