富士山山頂原來不屬於日本政府 每年須畀租金?

富士山可以話係日本嘅象徵,同時更係著名國際嘅旅遊區,無論係周邊嘅溫泉旅館,又或者登山旅遊等方式,每年都為日本帶嚟可觀嘅遊客收入。不過可能大家唔知,原來富士山上半截山頂部份,即係被白雪鋪滿嘅一Part,土地權竟然唔屬於日本政府,反而政府要畀租金去使用架!咁究竟真正嘅地主係邊個呢?原來係「淺間神社」!淺間神社總宮位於JR富士宮車站15分鐘步程嘅位置,可以遠眺富士山。而其餘嘅分宮就散佈全日本各地,一共1,300間!原來一直以嚟富士山都已經係被當作祭神之用,吸引唔少人前來拜祭,而當年就係由淺間神社所負責呢個儀式,輾轉間到德川家康年代,德川家康就干脆直接畀淺間神社擁有富士山嘅地權。二次大戰之後,政府收回所有土地嘅地權,因此富士山山頂地權轉回政府所擁有,及後50幾年嚟神社與政府一直就地權問題爭議不斷。2004年,政府宣佈將地權送回神社,但就可以向神社每年租用。雖然租金一直都無人知,不過就有傳係一個天價!宜家呢個租地權就已經係公開嘅秘密喇。

富士山已經成為日本代表之一。

(圖:relatetorocks@tumblr)

自古以嚟日本人都愛來參拜富士山。

(圖:ashmoleanmuseum@tumblr)

全國各地有1,300間淺間神社,就係富士山嘅業主喇。

(圖:Ikazphoto@tumblr)

相關文章:

同姓男子搭飛機 錯機票照俾上機?

人跡罕至 南法百人小鎮50年來首位BB出世

去旅行現真身? 男友錫晒你的6個表現

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!