山形縣兔子站長被餵食野草 不適入院 與動物接觸時需注意的4大要點

對於有小孩的家庭來說,到日本旅遊時單純欣賞日本寺廟、神社和四周風景可是不夠的;不少父母都會帶孩子到動物園、郊外或動物Cafe,近距離接觸日本動物。但近日日本山形縣兔子站長「Mochii」,因被人餵食野草感不適入院,幸好沒有大礙。而山形鐵道公司也在社交網發文,呼籲大家遵守規定,禁止私下餵飼Mochii。而作為遊客在與小動物互動時又有啲咩係一定唔可以做架呢?

唔好亂餵食

動物同人真係好唔同,動物有好多野唔食得,例如貓狗唔食得朱古力。大家去到郊外時,切記唔好亂餵小動物啊。有好多植物例如蘑菇同草葉都可能有毒!為左保護小動物,熱愛小動物嘅你,最好都係餵當局指明的糧食。

唔好亂掉垃圾

要保護小動物,唔一定要親近佢地,由自身做起一樣重要!小動物襯無人個陣,會誤食街邊垃圾,所以我地一定唔可以亂掉垃圾。我地前祈唔可以小看依個行為,萬一小動物誤食,輕則會導致生病,重則甚至死亡!當見到街上垃圾時,避免小動物亂食,我地都應該為佢地著想,自願撿起拉近,為動物建立一個安全,整潔的環境!

溫柔對待

相信唔少充滿愛心的市民見到好可愛的小動物,都會好想即刻抱起佢,同佢地selfie 返張留念。但係大家又有冇唸過小動物的感受呢?其實好多小動物都好怕醜,有啲可能好怕人。所以我地要溫柔咁對小動物,唔好嚇親佢地!大家不妨先留意下小動物的行為先接近佢地,記住唔好格硬抱啊!

遵守規則

好多可以接觸小動物的地方都會列明要遵守嘅規則。大家係接觸動物前,最好細讀守則,緊記有咩可以做,有咩唔可以做。盡量將對小動物的傷害減到最低。如果唔係,你可能會被檢控,小動物都可能會受到不必要的傷害。大家仲要係家人或者朋友犯規時立即阻止佢地,保護動物係大家的職責。

相片來源:yr_mochii @twitter