【帶狗狗返工】曼谷街道清潔工 孭狗仔開工變遊客焦點!

泰國曼谷好似香港,好多商場同高樓大廈,以致街道上同樣有唔少垃圾,所以每日都有好多清潔工辛勤咁清潔,默默為城市付出。不過近日曼谷街道有一位清潔工人,就出咗名成為遊客寵兒。呢位女清潔工人Keowa Ram就因為有遊客影咗佢一張相,相入面佢拎住掃把清潔街道,但背後孭住一隻小狗,而小狗非法鎮靜,無受到路過嘅行人同車所嚇怕,乖乖待喺主人身後。後來有傳媒就訪問Keowa Ram,佢話小狗有成10公斤重,其實孭住佢工作非常辛苦;不過小狗係男朋友所送,而且當年應承過男朋友,就算日後工作都會帶埋小狗去,免得小狗太悶。為咗承諾,於是每日都孭住狗狗工作。事實上好多曼谷公司,都允許員工帶狗狗返工,只不過Keowa Ram工作性質嘅緣故令佢成為遊客焦點。下次喺曼谷街頭見到佢哋,不妨打個招呼,報以一個答謝嘅微笑啦!

Keowa Ram孭住10公斤嘅狗狗,每日清潔街道。

連BBC都有派人去採訪,一夕成為紅人。

小狗好乖待於主人背後,一人一狗感情極深厚。

相關文章:

幾米彩繪藝術伴花海-千朵向日葵期間限定

情侶遊埃塞俄比亞-沙漠地底竟然係水池

瑞士租車自駕的-6-點建議

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!