德國公路無時速限制成絕響 將定為最高130公里

去自駕遊時好多朋友都會小心唔好超速,一旦喺外國食牛肉乾,又貴又多手續,好麻煩。所以好多揸車人士,一講起外地自駕遊,都會諗起德國,事關好多人都知德國係少有嘅國家高速公路係不設時速限制,即係話想揸幾快都得!唔單止遊客呀,唔少汽車公司或者外國嘅汽車KOL,去試車都會揀德國,全速前進。不過可能不久嘅將來就無呢支歌仔唱喇,因為根據近日德國政府委員會嘅報名指出,2023年時就會加入時速限制,為130公里。有咁嘅決定唔係為咗安全考量,而係因為要滿足歐盟嘅空氣污染水平。因為德國身為汽車製造大國,同樣畀歐盟非議其汽車排放廢氣量。有見及此德國政府必須回應,除咗增設時速限制之外,另外仲有廢除柴油車減稅、增加電動車配額等,鼓勵人多啲用電動車。

德國高速公路將於2023年取消無限制時速。

由於身為汽車製造大國,當中汽車排廢氣量都為歐洲之冠。

除咗增設時速限制之外,另外仲有廢除柴油車減稅、增加電動車配額等。

相關文章:

新一年去邊旅行好?2019每月精選目的地(下)

全球19個假日消費最平地方 土耳其葡萄牙入三甲?

[紐約] 必去景點-圖書館

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!