德國旅遊小鎮山明水秀 卻被Tesla選中成工廠

世界各地都面對一大問題,就係要於大自然及發展之間取得平衡,不過又談何容易。世界第一大電動車品牌Tesla,早前就宣佈興建第四間車廠,首次於歐洲插旗,選址正正係全球汽車大國德國,位於柏林市郊1小時車程嘅格林海德(Grunheide)。格林海德人口只有8千人,不過當地有山有水,仲有一大片松樹林及湖泊,更有唔少野生動物聚居,唔少柏林人放假會前來野餐、休息,尤如柏林人嘅後花園。Tesla於當地設廠,首要就係清空樹林,更會取用當地自來水,對生態造成極大破壞。而且當地人更擔心,設廠後Tesla只會聘請外地專才或者其他國家嚟嘅廉價勞工,但就會對當地設施、住屋造成極大壓力,對本地人百害而無一利。其實當初Tesla創辦人Elon Musk之所以會揀德國小鎮,而非成本更低嘅東歐,就係要「德國製造汽車」呢個招牌,所以目前就算小鎮居民幾唔鍾意都好,首階段工程已經開展喇。

德國旅遊小鎮山明水秀 卻被Tesla選中成工廠
Tesla睇中「德國製造」呢個汽車生招牌,決定於德國設廠。
就算小鎮居民幾唔鍾意都好,首階段工程已經開展喇。


相關文章:

巴西嘉年華2020開鑼-3大南美旅行團比拼

愛爾蘭無人島徵人打理民宿-23-000人搶住報名

類無印風質感旅宿-2020必住療癒系膠囊旅館


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!