【快閃台灣】台南2日1夜文青遊 !選物小店 +精緻日系住宿+純白藝術館

近年香港人愛到台灣走,尋找唔同嘅打卡位。近年,台南係一個人氣之選,除了消費比台北平平少少,文青景點也愈來愈多,好似到訪文創小店、到小清新的民宿享受,又或到最新的美術中心感受滿滿嘅文藝氣息,加上當地歷史文化同地道美食,台南擁有獨有的魅力。以下我哋就來個台南兩日一夜推介,做個真正嘅文青!

中午:15米長貨櫃滑草 台南貨櫃公園

花近約1年半嘅時間打造嘅台南貨櫃公園,於上個月開幕,其設計獨特,雖然地方唔大,但勝在內容多元。年青人在貨櫃迷宮中穿梳,打卡拍照;家庭仲可以一享天倫之樂,齊齊到樹屋、攀岩場攀爬以及欣賞小丑表演。當中長15米的貨櫃滑草坡更是刺激有趣,夠大家玩足大半日,但記得多飲水,以免中暑呀!

台南貨櫃公園

地址:台南市永康區大同街705號
時間:早上11點至晚上9點
費用:全票150元;台南市民、學生可享優惠票120元;3至12歲與65歲以上長者;3歲以下免費,身心障礙者可享門票100元

( @台南貨櫃公園FB)


晚上:入住建築設計師出品 精緻日系住宿

對於走簡約風嘅朋友,呢間酒店真係值得推介!雖價錢唔係特平,Booking.com每晚$875起,但裡面嘅服務絕對值回票價!民宿走日系風格,以米色主色及木質傢俱為主,大廳採用自然光透入,令人舒適自在。房間空間大,老闆係建築設計師,係細節位仲落足心思,除咗準備「德國有機認證的精油沐浴組」比遊客外,床上部分用品亦使用「貢緞布」。民宿也有提供腳踏車和獨木舟。

餘光  台南漁光島民宿

地址:台南市安平區漁光路119號

預訂:按這裡

( @餘光  台南漁光島民宿FB)

 

晚餐:自設漁船 每天捕撈海鮮

番到酒店放低行李,就可以去到附近嘅地方享受下海鮮大餐!丸珍水產火鍋店原本在安平漁市場內,近年搬到台南海事對面的情人碼頭邊,店家自設漁船,海鮮都係每天捕撈回來,新鮮多款,價錢亦公道,場內設有大大小小的魚缸,比大家揀到啱。必點海鮮鍋物,最貴的拼盤有龍蝦、扇貝、海蝦、牛小排等,都只係四百多元港幣!湯底仲有住家嘅味道,不含味精、雞粉,食落健康,仲食到海鮮嘅原汁原味。

丸珍水產
地址:台南市安平區城平路1號 (世平路與大平路交叉口)
電話:06-391-1688 (假日建議訂位)
營業時間:11:00 – 22:00

(@丸珍水產FB)

第二天:

早上:年初開幕純白藝術館 展覽室+簡約Cafe

作為文青之旅,點可以唔嚟到藝術館?美術館今年初開幕,淨係個外觀已經夠晒台型,白色嘅牆身,配以透明五角碎形遮蔭屋頂,時尚感十足。美術館有16個展覽室,主題多元,由自然萬物到書法筆墨都會涉及,比你嚟個文化學習。美術館內除設有精美嘅禮品商店, 仲有Café!Café貫切藝術館風格,走簡約風,店內沒有過多嘅裝潢,Logo亦只是一個驚嘆號!行到攰嚟黎到食件鹹派蛋糕,飲杯咖啡果汁,絕對係午後嘅享受!

台南美術館二館
地址:台南市中西區忠義路二段 1 號
電話:06-221-8881

時間:星期一、二、四、日 09:00~17:00,五、六 09:00~21:00 (星期三公休)

網址:https://www.tnam.museum/

(@ 台南美術館)


I’M Coffee 
地址:台南市中西區忠義路二段1號 (美術館二館2F)
電話: 06-221-4456

(@I’M COFFEE FB


下午:人氣選物小店
來台南又點可以唔逛逛文青小店。從台南美術館二館步行8分鐘來到選物店Beaucoup,裡面賣嘅貨品都獨一無二的選物。貨品類型包羅萬有,總之都係少見的物件或品牌,每一件產品嘅用料以及配色都花盡心思,著重設計感,比大牌子更為珍貴特別,買番幾件番香港做手信都唔錯架!店內嘅第二層每期都會有一個作家的作品展出,雖然藝術家嘅名聲未必大名大噪,但絕對值得大家駐足觀賞。

Beaucoup

地址:台南市中西區民生路一段205巷13號
營業時間:13:30~18:00 週一休 

(@Beaucoup FB)


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!