【惡劣公廁】韓置釜山公廁臭死遊客 要送院急救!

大家都知公廁衛生情況好參差,某啲比較惡劣嘅,真係成日會用「臭死人」去形容。不過實際上,近日喺韓國就發生一單慘劇,真係令人笑唔出,因為有遊客居然真係臭死在內!一名韓國女高中生同朋友去到釜山廣安海水浴場旅遊,去咗附近一個魚市場公廁,但入內久久都未見佢出返嚟。同行朋友於是走入廁所睇,發現佢已昏迷地上,雖然即刻急救,但送院後一直昏迷,最後留醫2個月後因為硫化氫中毒而導致腦缺氧,不幸離世。據入去救人嘅朋友所講,公廁入面臭味異常,連自己都差啲少少暈低,但都嚴重嘔吐。警方發現由於魚市場已經有20年歷史,化糞池排出氣體自排水孔外洩,令廁所變成一個毒氣室。當中安全指標超出60倍!目前釜山針對呢單慘劇,緊急進市內611個公廁作檢驗,會淘汱過舊嘅設備,希望避免再次發生同類事件。

出事嘅公廁即時封閉,嚴禁進內。

高中女生被救出後即時急救,並送院。

廣安係釜山出名著景點,必去。

相關文章:

世界級筍工-南極全球招募5位義工-考察-個月

台灣新景點-台灣超絕美玻璃橋-唔開放公眾-真正用途為

duffy好友-1-迪士尼樂園cookieann新角色登場

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊