戒煙6個月夠買頭等機票?消費取捨你會點揀

如果問人嘅生活唔可以冇咗啲咩,好多人都會答係網絡,不過小編就覺得消費先係我地生活唔可以無咗嘅一部分。最近有間英國公司Oliver’s Travels 就將一啲唔同嘅消費做咗比較,將一啲奢華消費嘅選項放埋一齊,雖然呢啲機會就⋯⋯大家明啦,不過諗下,都開心嘅。

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

如果大家拎住165,000英鎊可以做到啲乜,可以選擇買兩件Chanel高級女裝連衣裙又或者簽約參加太空旅行,小編就真係好好奇有冇人會揀買裙唔上太空囉。又例如,好多女士都鍾意買高踭鞋,如果你有160萬英鎊,你會選擇用嚟買一對Stuart Weitzman嘅鑽石鑲嵌高踭鞋鞋定係去Beyoncé 嘅私人音樂會呢?

係咪聽落去都覺得呢啲好似離你太遠,好似都冇乜可能呢,有食開煙嘅人士可以試吓戒煙,除咗因為健康,只要你唔食六個月,慳到嘅錢係買到一程頭等機票。如果鍾意買名牌手袋嘅女士,又可以試吓買少兩個名牌手袋, 事關咁樣就可以換到東方快車嘅火車飛,想去旅行嘅人不妨積極考慮以上兩個選擇。

想再平啲?都得,只要買少七杯Starbucks latte ,就可以慳到20英鎊去食生蠔同飲香檳,想去米之蓮餐廳食嘢,只要取消對Sky Tv 訂閱三個半月,就冇問題啦。

其實,啲錢咪又係洗咗,不過買咗嘅嘢唔同姐,道理就同死慳死抵儲錢上樓選擇犧牲正常社交生活一樣,最尾都係睇你點揀姐。

相片來源:aircraft24 @tumblr

當大家以為成世人都唔會有機會坐頭等,原來食少三個月煙就夠錢買張頭等機票,到時捨唔捨得買係另一回事啦!

相片來源:Oliver’s Travels

為咗值得嘅事情儲錢絕對需要,不過依家越來越多人為咗棟樓而冇咗自己生活, 其實係咪又真係值得呢?

相關文章

1400萬美金天價旅行團 「Passport to 50」8月起行

英國「魔法學校」8月開學 招生體驗住城堡、學魔法

做一次王子公主夢 十大豪華出租城堡