抓住暑假的尾巴 本地親子遊:鴨仔水世界+親子工作坊+商場尋寶

暑假就嚟完! 再唔把握同小朋友玩嘅話,都唔知要等到幾時。其實同小朋友唔一定要出國旅遊先開心,或者簡簡單單係香港滑下梯、游下水,已經可以令佢哋過得難忘又充實。近日,香港不同團體就為家長準備咗一系列的親子活動,讓小朋友可以過一個難忘暑假同時,都可以有所得着。免得大家心大心細,就等我哋介紹3個親子地比大家參考下。

黃鴨仔水池 童真之地

場內遍佈B.DUCK鴨仔,色彩繽紛,令小朋友置身童話世界。場內有9條滑水梯,仲要條條唔同造型,當中有3條高達5米,真係少啲膽量都挑戰失敗。年紀較少的小朋友唔敢玩滑梯,都可以去到放滿100隻浮水鴨仔和波波的水池,真係啱哂一家大細!價錢唔貴,最平160蚊就可以入場,但活動去到9月1日,想玩就快啦!

(相片來源:FB@whiteheadbbq Website)


白石B.DUCK白石海洋大歷險

地址:新界馬鞍山白石第1950 號

開放日期:即日至9月1日

 

親子6大工作坊 體驗愛與關懷

 

每個小朋友都鐘意玩遊戲,遊戲除咗可令小朋友開心,釋放情緒之外,仲可以增加親子互動時間。為咗等小朋友可以快樂成長,LCX就同樂信兒童慈善遊戲治療中心就係暑假舉辦咗Building Love慈善親子工作坊及展覽,讓家長同仔女建立互信關係,而且工作坊內容相當吸引,仲好多樣化,有手製泡泡浴芭、挖掘恐龍體驗、Tublock 管道滑梯,款款同有益好玩,創發孩子創意。

(相片來源: 官方)


LCX就同樂信兒童慈善遊戲治療中心Building Love慈善親子工作坊及展覽

地址:海港城LCX顧客服務部對出展覽區位置/LCX Xplus 對出展覽區位置

日期:即日至9月1日(時間視工作坊而定)

 

尋寶遊戲 盡考智力體力

 

如果小朋友好有冒險精神,又鍾意跳跳紮嘅話,以下呢個就啱晒佢啦!樂富商場會舉行全自助式尋寶遊戲,呢到可以話係小朋友的放電天堂。使用智能電話走入冒險世界,場內有智力區和體力區,內容包括「找不同」、「常識問答」及熱身操等,真係少啲眼力同智力都唔得呀!仲有,做得好嘅小朋友仲有禮物送添啊,記得要比心機!

(相片來源: 官方)


樂富尋寶之旅

地址:樂富廣場

日期:即日至10月31日


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!