新世代酒店 新西蘭酒店一部電話可當門匙及遙控

幾年前開始講酒店智能化,發展至今,唔少酒店真係開始採用無人Check-In服務,住客自己去Check-In再拎匙;不過要講到再進一步,就要數到開業唔夠一個月,位於新西蘭皇后鎮嘅呢間酒店Mi-Pad。酒店高6層共有57間房,住客從Check-in開始已經全自動化,只要用上酒店嘅App,就可以Check-in後用自己電話去開門,更厲害係房內一切燈嘅光暗、電器開關都可以直接用App去做。至於想要求任何服務,唔使打電話,直接於App入面可以跟酒店服務人員溝通,要求物品及餐飲等,可以話極方便,由入住至離開都無見過職員,私隱度十足!其中最方便當然係只要確實咗住宿,大家可以24小時隨時Check-In都得,唔使限時限刻。據講Mi-Pad有計劃於世界其他地方再開分店,大家可能好快就唔會見到酒店有職員喇!

酒店為精品酒店,房間小小但另有Common Area。

房間一切都可以直接以App操控,方便簡單。

Mi-Pad好快會喺世界各地開分店,期待。

相關文章:

日本藥妝出口急增 「Made in Japan」就係好?

搭交通工具討厭行為 踢凳大聲講電話上榜

行山必讀SOS急救包!行山抽筋、滑倒、蚊叮蟲咬應急對策大全

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!