旅伴愛撒嬌?呢五大星座最愛表露真性情

唔同情侶都有唔同嘅相處方式,有啲伴侶比較外露同富於表達自己嘅情感,有啲就會比較隱藏,而有啲星座就特別喜歡撒嬌,好似以下呢幾個星座,佢哋嘅因子入面就好似中咗撒嬌毒一樣,無時無刻都係會同另一半放閃,旅行嘅時候鍾意撒嬌嘅程度更加有加無減,唔會害羞於向另一半表露佢哋嘅真實情感。

1. 金牛座

金牛座表面老實,暗地裏最鍾意同另一半保持親密,所以難得有機會去旅行同另一半全天候接觸,梗係唔少得主動拉近雙方關係,佢哋尤其鍾意擁抱。

2. 巨蟹座

巨蟹座極度需要安全感,係佢哋眼中另一半比任何野都重要,所以去旅行佢哋最開心嘅並唔係有得去玩,而係可以全天候咁黐實對方,絕對唔會有一刻見到佢哋放棄撒嬌。

3.雙魚座

愛浪漫嘅雙魚座情感豐富,同另一半去旅行最鍾意嗰種連繫大家嘅親密浪漫感,而對於佢哋來講撒嬌就係佢哋表達愛意嘅最好方法。

4. 獅子座

獅子座平時總會係外人面前展露霸氣一面,但當同親密嘅另一半去旅行嘅時候,佢哋就會收起平時嘅霸氣,將熱情轉移去同伴侶嘅親密接觸上,就算係公眾場合都會毫無保留。

5. 白羊座

富行動力又熱情嘅白羊座,喺伴侶面前都時刻保持精力充沛嘅一面,好多時候會主動同對方進一步親密,人在異地去旅行,佢哋嘅行動只會比平時有加冇減, 絕對係撒嬌煞到另一半厭都唔會停。