旅行攰過返工?旅行都要去得有意義 呢4點不能缺

香港人生活壓力咁大,旅行其中一個目的,都離不開減壓。但事實上,好多人去旅行,將行程排得滿滿的,務求用最有限的時間,去曬所有想去的景點,食曬所有要食的食物。結果旅行過後,Relax又Relax唔到,疲倦程度分分鐘勁過返工。咁究竟去旅行點樣可以去得Smart少少,以下呢4個因素絕對不能少。

啟發創作靈感
從事創作工作的人,去旅行的最大收獲,絕對係可以被眼前的景象或與別不同的體驗而啟發,產生更多創作靈感。

擴闊社交圈子
去旅行係認識各地新朋友的好方法,無論係酒吧定民宿,不妨同陌生人傾下計,擴闊社交圈子,又可改善語言能力。

充飽電
返工個陣,工作壓力令自己疲倦不堪,去旅行最大的得著係令自己身心得到放鬆,充一充電再上職場。

視野更廣
所謂讀萬卷書不如行萬里路,旅行令人的視野更廣,接觸不同國家的文化,見識更多。

相片來源:theadventurouslife4us @tumblr