旅行放閃呃Like無咁易 增加Like的5大技巧

仲有大概一個月嘅時間就到情人節,唔知大家有冇計劃點樣同另一半慶祝,有部分情侶會選擇以旅行方式慶祝,去得旅行就梗係唔少得影相呃下like ,不過呢個年代呃like 好講技巧,唔想影來影去都係得兩個人嘅大頭合照,又或者對住風景嘅招牌動作,一齊來睇下呢五個拍下幸福的方法啦。

1. 男/女朋友視角

想放閃又唔想咁高調?以自己視角記低另一半美麗嘅一刻可能係一個唔錯嘅選擇,自然不造作,簡簡單單影低對方食飯或發呆,都已經有滿滿嘅幸福感。

2. 對坐

唔想成日都係攬住對方影,背對背或者對坐都係一個唔錯嘅選擇,雖然兩個人睇落去唔係好親密,但果種不言而喻嘅幸福感同樣夠晒閃。

3. 我眼中只有你

無論做咩動作都好,一個簡單嘅眼神,已經見到兩個人眼中只有對方,淨係呢樣野都已經夠晒煞食啦。

4. 輕輕一拖

從小細節上可反映兩個人嘅默契,無論係何時何地都會拖實對方,真係打風都打唔甩嘅最佳寫照。

5. 你是我的依靠

無論去到幾遠嘅地方,身邊都總有你可以依靠,輕輕咁樣靠住對方,已經係最靚最sweet 嘅pose 。

相片來源:chicadereggaeton @tumblr