旅行時狂晒恩愛 專家話「希望別人來肯定二人關係」

相信大家的Facebook中,總有些朋友時不時都會曬幸福,尤其係旅行個陣更加係日以繼夜咁Post的恩愛相,兩口子瘋狂放閃,係旁人眼中隨時變成疲勞轟炸。但外國愛情專家表示,原來瘋狂晒恩愛這行為,係具有「希望別人來肯定兩人關係」的深層意識,事實上佢地心中都唔太肯定自己幸唔幸福,只靠別人破解自己的迷惘。咁究竟一對真正幸福的情侶去旅行個陣會係點樣呢?有呢4個表現的話,證明你們正在幸福中。

消失於網絡世界

真正享受兩人世界的旅程,唔會一味影相、執相、打卡,唔會一直玩手機,好好珍惜兩口子相處的時間,旅行時反而會消失於網絡世界。

失去聯絡

兩口子唔單止消失係網絡世界,有時Whatsapp或打比佢地都未必有人應你,因為佢地眼中對方才是最重要,電話可以放埋一邊。

低調

幸福唔係靠一幅相或一句說話,兩口子會春風滿臉,陶醉係幸福之中,低調地享受那微妙的感覺。

旅程完結先Post相

旅程告一段落,兩口子才會慢慢Post相,回味完美的旅程。同時亦會為下次旅程努力賺錢。

相片來源:lavishlawyer @Tumblr