【旅遊危機】去旅行都要心慌慌…酒店房門免匙卡2秒即打開

新假期 - 旅遊

去旅行除咗想食得出色,玩得招積,當然仲想住得舒適啦!相信有唔少旅行愛好者都聽過酒店房間危機四伏,好似有人用熱水煲幫底褲消毒、毛巾抹完地又抹身等。近日就有美國華盛頓律師發現入住嘅酒店房門極之唔安全,究竟發生咩事呢?

撰文:Evita | 圖片:YouTube截圖

延伸閱讀:

肚痛位置反映健康!常見腸胃不適宜忌 受寒夜瞓都會痛?

【出街搵食】灣仔無骨豉油雞+五花腩三文治 必吃自家製關東煮小食

酒店房門免匙卡2秒即打開

旅行最怕唔安全,特別身在異地,畀人偷財物就真係會嚇到心慌慌。近日一名來自美國華盛頓嘅律師就喺YouTube上傳一條片,指新年期間同妻子入住嘅酒店極之唔安全,原因係唔使用房門匙卡就可以輕鬆打開房門!

影片開頭見到網民嘗試開鎖,但失敗
之後佢利用掛喺門柄嘅「請勿打擾」牌喺門隙郁幾下
酒店房間門隨即打開

如果住到間房咁易畀人「爆門」,真係咪話唔得人驚!大家下次去旅行入住酒店或旅館時,記得都要Check清楚房門!

住酒店防偷拍 10招

想住酒店住得安心,唔想自己嘅一舉一動都被監視,就要睇睇以下10式,每次去旅行住酒店,都要check邊啲地方,同埋要點樣保護自己啦!

如果係一個人去旅行的話,就更加要小心!

#01煙霧感應器最高危

煙霧感應器位於天花板,通常住客不會留意,加上中間一般是暗黑的設計,好多人都掉以輕心。但感應器中間的陰暗空隙,正正就是最適合安裝針孔鏡頭的位置,最要小心!

好多個案都被裝在煙霧器,絕對要特別小心!

#02 天花板要檢查清楚

好多人去旅行,都會漏咗抬頭check天花板,除了煙霧器,天花板上的燈位、感應器、透風口等,都是高危位置,千萬唔好因為太高而懶得檢查!

最好就打開燈望一下,有奇怪嘢都馬上睇到!

#03 燈掣、叉電位要留意

唔少燈掣、叉電位都是安裝在床邊或對正床頭,位置十分適合偷拍住客,電掣的空隙處,都是收藏勁細針孔鏡頭的好地方。

有時叉電位未必用到咁多,但都最好望多兩眼!
燈掣位都要小心!

#04 牆角、空隙位置

牆角、櫃與牆壁之間的空隙地方,同樣很容易被忽略,最好在開燈檢查一下角落等的陰暗地方,以免中招。

角落位畀人偷放鏡頭,都可能不被發現!

#05 圓形Logo望真啲

另外一個無咩人會注意到的地方,就是有圓形Logo的設備,例如英文的「O」等,因為犯人會利用圓形的字形作掩飾,用來收藏鏡頭,千萬要小心!

圓形logo是掩飾鏡頭的好方法!
網狀的物件,都好啱放鏡頭。

#06 電視都好危險

中山的案例,就是在電視位置發現了偷拍鏡!唔想換件衫都會畀人裝,記得望真啲電視上的掣位、喇叭位啦!

電視的角度,最適合影住住客。
日本電視好多都會放地下,記得都要望一望!

#07 防盜眼好易漏

大門上的貓眼位,可以隨時睇住出面有無奇怪人,但都係放針孔鏡的好地方,唔想畀人24小時望住,記得唔好check 漏!

大門的防盜眼,記得唔好check 漏!

#08 檢查鏡面

去旅行一定會花好多時間照鏡,鏡面睇落正正常常,可能都隱藏陷阱,其實是一塊雙面鏡!最簡單的檢查方法是把手貼在鏡面,看看手與鏡之間是否存在距離,有的話就不用擔心,但如果手與鏡面影像完全緊貼,就好可能是雙面鏡了!

女仔最花時間對住嘅鏡,都可能暗藏陷阱。
正常情況下,手同影像是會有距離的。

#09 關燈檢查奇怪光源

市面一般的針孔攝影機在錄影的時候,都會發出奇怪的紅光或綠光,建議可以將房間的燈全部關掉,留心查看四周是否有奇怪的光線來源,即有可能是被偷錄中!

想check 清楚有冇奇怪光源,一定要開燈同拉燈簾!

#10 瞓覺最好關晒燈

好多人瞓覺都會怕黑而開床頭燈,但如果真係不幸入住了被裝攝錄器的酒店,就會提供了充足的光線被偷拍!因此夜晚最好都係關晒燈,就算被偷拍都會漆黑一片,咩都影唔到。

好多人瞓覺都會開番兩盞燈,但為防被偷拍,都喺係關番比較好!

網民分享 酒店防盜法!

早前亦有網友分享過「最強自製酒店防盜鎖」,而材料只需要一個衣架和一張有椅背的椅子!

原理是外面推門,衣架會同時推動門的上扣,並緊緊扣實門的下手柄,估計伸腳要重達 50lbs,才可把門踢開。至於椅背要 45 度斜放在門下方,對方表示只有 SWAT team 才可衝入來!這個感覺超級安全,又不用帶多樣物件在行李裡面呢!

旅遊安全

網友:膠杯防盜法 !

亦有網友分享,只要把一隻膠杯放到酒吧房門的手柄上,只要有人闖進來,膠杯就會掉在地上並發出聲響,從而讓自己知道有人闖入,並嚇走入侵者。

不過這個方法就只適用於沒有地氈的酒店房間。

網友分享以膠杯來防盜的方法。

網友:用椅子頂住大門!

有網友分享指,其實只要用椅子頂住房間的大門和露台的門口,就可以防止賊人闖入。

旅遊安全

做好酒店防盜可以令你的旅程更安全,而CIA員工的最後寄語是「事先計劃!」(Plan ahead!),計劃的重要性可見一斑。以後計劃行程的時候除了留意食玩買的情報外,還要收集當地的資訊,留意天氣變化等,這樣一來就能保證開開心心上路,平平安安回家了!

延伸閱讀:

10大保暖食物!冬天不再怕凍 踢走手腳冰冷|食是食非