日本免稅品銷量創新高 本地人消費卻大減

日本有幾多嘢買,唔需要同大家介紹啦;好多鍾意日本嘅朋友都講笑話「如果自己住日本,實買到破產」,但現實上日本人又點呢?根據《日經新聞》報道日本百貨公司協會剛公布2018年嘅銷售數字,當中全年總銷量不足6兆日圓,已經係連續3年未達標,其中大城市如東京、大阪都跌咗0.3%,其他城市平均跌3.4%,可見大城市同小城市嘅貧富差距拉開;不過當中專畀遊客買嘅免稅品銷量就比2017年大增26%,高達3,400億日圓,創下最高紀錄。換言之,日本人自己買嘢嘅意慾明顯逐年下跌,反而遊客消費愈嚟愈高,變相百貨公店幾乎係要靠遊客先可以維生。有專家就話,2018年日本受地震、風災嘅影嚮,導致經濟差,亦令日本人消費意慾大減;相反遊客數字屢創新高,所以免稅商品自然銷情理想。

日本百貨公司全年銷售金額已經連續3年唔達標。

去年受天災影嚮,百貨公司損失好多本土生意。

但免稅商品銷量創下新高,比2017年仲高出26%。

相關文章:

春節連假旅遊必去!亞洲五大超放鬆渡假村

昆士蘭海灘出現大批有毒水母 一星期刺傷13,000人

新一年去邊旅行好?2019每月精選目的地(下)

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!