日本即使提高消費稅 點解仍無損港人遊日意慾?

日本一直係香港人最愛去嘅旅遊地點之一,但係將來去日本玩消費可能會貴少少啦。首先黎緊會係2019年將消費稅由8% 提升到10%,不過旅客買夠指定金額仍可以退稅;日本亦打算參考歐洲國家向旅客收取離境稅,雖然金額未定但最快都會係2018年開始實施; 京都近日亦表示會彷照大阪、東京收取住宿稅,不論係民宿定酒店都會涵蓋。

雖然稅項將會增加,令旅客去日本都變貴咗啲,但相信依然無損日本嘅吸引力,因為日本係:

禮儀之國

日本一向都係講究禮儀嘅國度,大部份國民不論老幼都好有禮貌同識得尊重其他人,連打招呼、敬語、鞠躬等都有唔同嘅學問,令人去到人都覺得特別開心。

美食多

香港人都鐘意食日本菜,而最正宗嘅日本菜當然係日本,不論係海產、牛肉、麵食等淨係諗起都令人流口水,加上到日本食好野質量同價錢都比香港更好更抵,又點會捨得佢呢?

景色萬千

日本自然景觀同文化都非常有特色,一年四季都有唔同嘅吸引力。好似春天就賞櫻、夏天有唔同嘅慶典同花火、秋天嘅紅葉以及冬天嘅皚皚白雪,各有不同嘅魅力。

質素保證

咁多年黎,日本制同質素高已經掛勾,日本人一向心思細密做事一絲不苟,無論係食落肚定係著上身用嘅gadget都耐用貼心有保證,就算貴少少都抵番條數。

image: Aklra@flickr