日本成人式將降至18歲 74%青年人反對

啱啱嘅一月就過咗去,每年一月日本都有一個好傳統嘅習俗就係「成人式」,意指每年1月年滿20歲嘅青年人就會聚集一齊,女生著和服男生著西裝,一齊擧行宴會作樂,慶祝自己終於成年。不過日本原來會喺2022年開始,將成人式由20歲改成18歲,隨即引起社會反彈。日前電視台NHK做咗個訪問,向800位17至19歲嘅青少年調查,當中74%人反對,只有24%贊成。當中最多人反對嘅原因係「20歲正好是進入大學年齡」,作為成年嘅分水嶺其實非常好;另外一個主因,就係日本法例規定20歲以上先可以食煙及飲酒,即係話如果18歲就進行成人式,宴會就唔可以食煙同飲酒,令佢哋覺得非常唔痛快。第三個原因就最簡單,因為「18歲比20歲時要窮」,無錢就無法盡歡。而且唔單止年輕人本身反對,連相關產業例如和服商都出聲反對,覺得會少咗年輕人買和服去進行成人式,間接導致和服式微呢。

日本成人式會於2022年開始改成18歲。

幾乎全部女生參加成人式都會著上和服。

和服商擔心降低年齡會導致少咗人買和服呢。

相關文章:

持槍婦人成功登機 美國直飛日本無人發現

利用動物吸引旅客 全球具爭議的動物景點

不只東京!日本受歡迎旅遊地人氣上升排行榜

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!