日本新書店 豪華到要收入場費

大家都知日本好多書店,逛書店都成為日本人其中一種活動。不過講到豪華書店,一定要數到六本木呢一間新開嘅書店,係第一間要收入場費先入得去嘅書店!書店名為Bunkitsu,係由幾間大書店聯營,包括森岡書店、Smiles書店及Yours書店,全店總共有3萬本書。裝潢精緻而且非常舒適,雖然要畀成1,620日圓嘅入場費,不過入面嘅咖啡店可以免費飲咖啡,另外設有討論室,可以畀一大班朋友研究書本。不過唔少日本網民就唔多Buy,表示就算連青山入面最高級嘅書店都唔需要畀入場費;所以Bunkitsu新開業至今都唔係好多人,入面都好似冷冷清清。Bunkitsu嘅回應係,因為想書店可以持續營業,因此收入場費係一個理想嘅選擇,起碼可以確保入面嘅服務質素,保證去嘅朋友都舒舒服服咁睇書買書,大家又點睇?會唔會肯畀錢入去呢?

書店無論裝潢及室內設計都非常有現代美學風格。

但目前開業至今都成日冷冷清清,人客並不多。

入場費包晒入面咖啡店嘅免費咖啡,不過食物要另外購買。

相關文章:

2020年東京奧運準備在即 東京各界有咩攪作?

跟著韓劇男朋友一起漫遊哈瓦那

布吉明年2月將推行「無泡沫、無塑膠」生活

【立即讚好】

全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!