日本為防肺炎擴散 熊本熊眼看手勿動

截稿為止,日本係武漢肺炎中僅次於中國最多感染患者嘅國家。雖然暫時未開始出現大規模社區傳染,不過日本已經做足防護措施,連熊本熊都要遵守!大家都知日本唔少地方都有自己嘅吉祥物,平時會出現同大家接觸,難免攬下抱下、握下手咁,而吉祥物中最出名嘅相信係熊本縣嘅熊本熊,日前政府就話熊本熊與遊客見面時,都要「自我隔離」,就係要禁止一切接觸,早前於熊本熊辦公室見面活動之上,參與嘅唔單止有來自中國嘅遊客,現場仲有好多小朋友,所以唔少遊客都戴上口罩,熊本熊出場後,一改以往方法,唔再同大家擊掌打招呼,改為揮手,亦無任何熊抱動作。遊客就話雖然好想攬下熊本熊,但都措施表示體諒。熊本熊目前仍然會繼續舉辦一日一至兩場見面大會,每日接待約2,000位遊客,如果唔注意衛生防疫,真係好易引起傳播呢!

連熊本熊都要自我隔離,眼看手勿動。
平日熊本熊好熱情,熊抱少不免。
熊本熊見面會每日吸引約2千位遊客參加。



相關文章:

法國米芝蓮-2020-出爐-首位日本廚師奪三星

東京迪士尼全球首座-美女與野獸園區-確定下年4月15日開幕

獲選為-全球最性感睡房-5大酒店上榜-紀念日和蜜月必選


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!