日本無印2018最暢銷生活用品排行榜!

來自日本嘅無印良品,相信無人唔識啦,連其他抄佢嘅山寨品牌都賣到風山水起,可見無印嘅威力。無印有好多唔同種類嘅貨品,簡直係生活上一切所需都可以搞得掂。日本無印就公佈咗上年2018年最暢銷嘅無印生活用品,睇下你哋又有無買過?

第五位:卸妝水

純天然製造,無香料無色素、無酒精、酸性極微,簡單安全咁去落妝,另外仲有旅行裝,好似所有日本女性都有一支!

第四位:鋁衣架

無印貴在心思,產品上嘅小心思可以話係恰到好處,好似呢款鋁製衣架,兩邊有肩帶位,唔怕啲衫會滑落嚟,加好多分!

第三位:旅行護照袋

邊個唔鍾意旅行?而一個好用嘅護照袋可以等你唔使咁混亂將啲Passport、錢或其他重要嘢亂咁收埋,散錢位都有呀!

第二位:敏感肌膚用Toner

女仔必用嘅產品之一,呢支Toner由岩手縣釜石天然水製成,用低濃度酒精,當中無香料,保證不易過敏,又係每位日本女生都有!

第一位:PP文件資料盒

估唔到第一位賣得最多竟然就係呢個毫不起眼嘅文件資料收納盒!A4 Size可以放文件,又或者其他生活物品,大賣!

相關文章:

白爛貓必逛期間限定店 87超商好拍又好買

旅客過多 威尼斯計畫向短暫停留旅客收稅

英磅換新鈔 頭像入選者有霍金及戴卓爾夫人

【立即讚好】

全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!