日本罕有出現10日連假 2019年呢個時段咪去日本!

去旅行都要講心思,睇假期,尤其係睇下整唔整到靚嘅長假去耐啲,不過唔單止要因應自己有無假,係要睇埋當地係咪有假期呀!最多香港人一年去幾次嘅日本,原來2019年就會出現史上最長嘅年假:10連休!相信連假會引起當地大批日本人穿梭各縣旅遊,酒店房價一定貴,加上各主要幹道、JR肯定出現大塞車及人潮,就連街道、景點都一定人滿為患,建議大家千萬唔好呢個時間去日本旅行喇。呢個時間就係4月27日至5月6日,點解呢?原來4月29日為「昭和之日」公假,5月1日新天皇德仁親位亦會視為公假、 5月3日為憲法紀念日公假,加上前後嘅4月27、28同5月4、5為星期六、日;日本政府乾脆補埋4月30日及5月2日兩日假,於是出現史上最長嘅10日連假。為免各位唔小心買咗機票,記得記得Mark入日曆,唔好咁傻豬去咗同日本人迫餐懵呀!

日本2019年嘅10日連假,相信JR會迫爆。

5月1日新天皇即位,會定為公眾假期。

唔少日本人會乘機跨縣外遊,旅遊高峰期。

相關文章:

港人限定 聖誕除夕未諗到去邊?入住羅湖香格里拉+任食點心 賣單$899

歐洲自駕遊慳錢實用指南

聊天氣氛超對味!上班族最愛台北五大平價熱炒店

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!