日本車站儲物櫃出現裸男 網民:是未來戰士?

大家成日去日本玩都應該好熟,喺各大小車站都會有投幣式儲物櫃,呢啲Locker有大有細,可以放小型隨身物品,又或者放一個大行李箱都可以。不過近日有一單聽到人毛骨悚然嘅新聞,或者下次大家用Locker時會份外小心。仙台車站日前有位的士司機,突然見到車站Locker內好似有郁動,於是報警。警察嚟到一打開大Locker,竟然發然一位全裸男士喺Locker入面,背對出面。男士仲有知覺,不過出現低溫症,警察發現後大驚繼而送院。起初以為係咩人將佢放入去,但原來該男子話係自己走入去,而且喺附近嘅Locker搵到佢嘅衣物。至於點解要咁做,就暫時問唔出,警察話會繼續調查。唔少網民都嚇親,有人話「唔通係未來戰士?」「太可怕了!是什麼修行儀式嗎?」「是變態佬?還是受害人?分不清!」

該名裸男就係收埋自己喺呢個儲物櫃之中。

平日好多乘客經過,究竟佢係點走入去?

事發地點就係仙台車站,喺東北一個大車站。

相關文章:

今年倒數跟別人不一樣!亞洲七大跨年城市

[上大東山要考牌] 問下自己做唔做到呢8件事 先好上山

【日元兌換攻略】點唱YEN先最平、最抵?

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!